Kutbah Jumat Bahasa Jawa KAUTAMAN TIYANG ENGKANG TAUBAT

السلام عليكم ورحمة الله وبركاته

إِنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا. مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ, وَأَشْهَدُ أَنَّ مُحَمَّدًا عَبْدُهُ وَرَسُولُهُ ,  أَمَّا بَعْدُ  :يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ ,

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا.

Jama’ah  jum’ah rohimakumulloh,

Sumonggo, kito  tansah taqwo  dumateng  Alloh, kanti  ninda aken  sedoyo dawuhipun  lan  nilar sedoyo pepacuhipun. Taqwo  ingkang  ndadosaken  kito emut, bilih  kito  sedoyo  mesti  kagungan  kalepatan  utawi  doso.  Kito  anyandang  doso dipun sebab aken,  saking  sawernaning  perkawis  ingkang   kito  tinda aken  kanti  sengojo  utawi  boten.  

Saget  kemawon  kito  ngantos  ninda aken  doso,  awit  iman  kito   wonten  ing kahanan kirang kiyat,  ingkang  ndadekno  boten  kuwat  ngadepi  pacoban.  Utawi  iman  kito  kiyat,  ananging  awit  sembrono saha  cubluk  ing  setunggaling perkoro, ndadekno  kito  kejlontrong  ing  doso-doso  kalo  wau.

Doso  noninjih,  kotoran  ingkang  ngotori   jiwonipun  kulo panjenengan sami,  Sinaoso  doso  alit,  menawi  kito  umbar,  sangsoyo  dangu  sangsoyo  numpuk,  ingkang  ndadosaken manahipun  kito  dadi  peteng.

Awit  saking sifat  rohmman lan rohimipun Alloh,  kito  dipun  dawuhaken  supados  enggal-enggal  ngresiki  doso-doso kito,  kanti  tobat  dumateng  ngerso dalem Alloh,  artosipun  nyuwun  pangapunten  dumateng ngerso dalem  Alloh.

Dawuhipun  Alloh.

“Podo tobato  siro  kabeh marang  Alloh  he  wong  wong  kang podo  iman,  supoyo  siro  kabeh  oleh   kabegjan, yo iku suwargo” (QS. an-nur;31).

Jama’ah  jum’ah rohimakumulloh

Ciri-cirinipun  tiyang  engkang  satuhu  sampun  tobat,  saget kauningani  saking  sekawan perkoro :

1.       Saget ngeker  lisan,  saking  pengucapan  ingkang  awon, reraosan, adu-adu  lan  ngapusi.

2.       Wonten  ing manahipun,  sampun  mboten  wonten raos  drengki,  lan  ugi  mboten  wonten  raos  nyatroni  dumateng  sesami.

3.       Saget  nilaraken utawi  mboten  kumpul malih,  kaliyan  rencang-rencangipun  ingkang  tumindaipun  awon.

4.       Tiyang kolowau,  tansah  sumadyo  pados  sangu kagem  pejah.

Dawuhipun  Alloh.

”He wong-wong kang  iman,  podo  tobato  siro  marang  Alloh  kanti  satemen-temene  tobat” .

( QS.at-tahrim ;8).

Podo ngertiyo,  bilih  tobat  puniko  wajib  tumprap  saben  doso,  pramilo  menawi  ma’siyat atawin doso puniko,  namung  dumateng  Alloh,  syaratipun tobat wonten  sekawan;

1. Wajib  sak suwene urip ning alam ndonyo, kerso nilaraken  kema’siatan/doso.
2. Kedah  nggetuni  dumateng  tumindak ma’siyat/doso  ingkang kelampahan.
3. Satuhu  niyat  mboten  bade  nindak aken  kema’siatan/doso  malih.
4. Kerso  maos istighfar  saben  wekdalipun.

Menawi  doso puniko wonten gegayutanipun, kaliyan hak manungso atawin tonggo tepalih,  tobatipun  tambah  setunggal  sayarat;  noninjih  urusanipun kaliyan  tiyang  ingkang  kagungan  hak, kedah  dipun  pungkasi  kanti  coro  nyuwun  pangapunten, nyuwun  halalipun,  utawi  ngunduraken  punopo ingkang  kedah dipun kunduraken.

Awit, tobat  saking  doso puniko wajib,  pramilo  ingkang  wigatos  tumprap  kito  injih  meniko,  Kados  pundi  anggen  kito  budi doyo,  nyirnoaken  sedoyo  doso-doso  ingkang  sampun  kulo panjenengan tindaaken.  Punopo  kito  namung  pasrah  dumateng  pepestenipun  Alloh,  tanpo  budi  doyo  nglebur  doso-doso kolo  wau? Punopo  kito  cancut  tali wondo,  enggal –enggal budi  doyo  sakiyatipun,  kagem  nebus  doso-doso  kolo  wau?

Jama’ah  jum’ah rohimakumulloh

Sedoyo  kolo  wau  kasumanggaaken,  dumateng  kulo panjenengan sami piyambak-piyambak.  Ananging  kito  kedah  emut,  bilih  wonten  ing  bab  puniko,  manungso kagungan  kalih  tumindah  engkang  benten,  inggih  meniko  tumindakipun  wong  mu’min  lan  tumindaipun   wong  munafiq. 

Wonten  ing  salah  setunggaling  hadist.

المؤمن يرى ذنبه كجبل فوقه يخاف ان يقع عليه والمنا فق يرى ذنبه كذباب مر على انفه فاطاره

“ Wong mu’min  iku  nonton  dosone   koyo  nonton  gunung  kang  ono duwure,  mulo  wedi  yen  gunung  mau  mbledos  ngenani  awake.  Wong  munafiq,  nonton  dosane  koyo  laler  kang  mabur  ono ngarep  irunge,  deweke  nggusak  supoyo  cepet  sumingkir  laler  mau”.  ( HR. Bukhori)

Hadist  meniko  ceto , bilih  tiyang   mu’min  boten  saget  ngentengaken  doso-doso ingkang  dipun  sandang. Doso punopo kemawaon  engkang dipun  tindaaken,  piyambakipun  tansah  rumaos,  bilih  doso  ingkang  katindaaken  meniko  doso  ingkang   ageng  sanget,  sinaoso  dosonipun   namung   doso  ingkang  alit kemawon, piyambakipun  rumaos  miris sanget kedawahan  beboyo  awit  saking  doso-dosonipun. 

Ananging  tiyang  munafiq  nganggep enteng lan  mboten  menggalih dosonipun, sinaoso  engkang  katindaaken  puniko  doso  ingkang  paling ageng.

Dawuhipun Nabi SAW.

كل بنى ادم خطاء وخير خطائين التواب

“Saben manungso  mesti  duwe  doso,  lan  sabecik-becike  wong kang  doso,  yo  iku  wong  kang  gelem  tobat”  ( HR. Tirmidzi lan  Ibnu  Majah).

Jama’ah  jum’ah rohimakumulloh

Tiyang  engkang  mboten  kerso  enggal-enggal  tobat,  dipun  dawuhaken  dening  Nabi SAW.  “halakul musawwifuun”  (katiwasan  wong-wong  kang  ngende-ngende  tobat ).

Selaras kaliyan  tiyang  engkang ngendiko : ‘ Sesok-sesok  wae  tobate” ,  tiyang kolowau  bakal  nemoni   katiwasan. Awit  piyambaipun  nyimpen   setunggal  perkawis,  engkang  sejatosipun  perkawis  kolo  wau,  boten  saget  sirno piyambak. Tiyang wau  mboten  saget  nilaraken  doso  dinten  puniko,  nopo malih  ing  dinten  sanesipun.  Sedoyo  kolo  wau, awit saking  nafsu syahwat  ingkang  sampun ngawonaken  piyambakipun.  Nafsu  syahwat  kolo  wau,  ing  benjingipun  boten  bade  nilaraken,   malah  sangsoyo tambah  kiyat,  awit  sampun  dados pakulinan.  Awit  saking  puniko  sumonggo  kito  galih  lan  tansah  emut,  bilih  Nabi SAW. Ingkang  sampun  ma’sum  (kejagi  saking doso) taksih  kerso  nyuwun pangapunten  lan  tobat  dumateng Alloh. Dawuhipun Nabi SAW.

ياايهاالناس توبواالى الله فانى اتوب اليه فى اليوم مائت مرة

“ He  golongan  menungso, podo  tobato  siro  marang  Alloh,  koyo  dene satemene  aku  ( Muhammad) tobat  marang Alloh  saben  dino  ping  satus” ( HR. Muslim)

Dawuhipun  Alloh,

“Sopo kang  nglakoni kamurkan,  lan nyawiyah-wiyah  awake  dewe,  banjur  nyuwun  pangapuro  marang  Alloh,  deweke  bakal  nemoni Alloh kang Moho Pangapuro  dan Moho Welas”. ( QS. Anisa; 110)

Rosululloh  dawuh,

لواخطئتم حتى تبلغ خطاياكم السماء ثم تبتم لتابالله عليكم

“ Umpomo siro  nglakoni  doso,  nganti  dosomu  tumpuk  undung   sundul  langit,  banjur  gelem  tobat,  Alloh  bakal  paring  pangapuro  marang siro  kabeh”. (HR. Ibnu Majah)

Dawuhipun Alloh SWT.

“Lan  wong-wong  kang  tumindak  wengis  utowo nyawiyah-wiyah awake  dewe,  deweke  podo  eling  marang  Alloh,  banjur  podo  njaluk  pangapuro  sakabehe  doso-dosone  lan  sopo  maneh   sing  bakal  paring  pangapuro  saliyane  Alloh?  Lan deweke  pada ora nerusake  tumindake  kang  wengis,  deweke  podo  mangerteni. Deweke  podo  oleh  ganjaran  lan  pangapuro soko  pangerane  lan  suwargo  sing  ono  jerone  mili  kali-kali,  deweke  podo  langgeng  ing  jerone, koyo  ngono  iku sabecik-becike  ganjaran  wong-wong kang  ngamal”. (QS.Ali Imron 135-136)

جعل الله لى ولكم من التا ئبين وحسرنى وايا كم فى زمرة عباده الصالحين وغفرلنا اجمعين برحمته وهوالغفورالرحيم

KHUTBAH II

اَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ, وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ.

اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا, اَمَّا بَعْدُ ;

فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ

وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.

اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ

اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ.

اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.

رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.

رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ

وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ

ثم السلام عليكم ورحمة الله وبركاته

                                                                                                                

Silahkan baca juga >>>>: