Kutbah Jumat Bahasa Jawa UKHUWAH ISLAMIYAH

إِنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا. مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ.

أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ, وَأَشْهَدُ أَنَّ مُحَمَّدًا عَبْدُهُ وَرَسُولُهُ    أَمَّا بَعْدُ  :

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ

يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالأَرْحَامَ إِنَّ اللَّهَ كَانَ عَلَيْكُمْ رَقِيبًا

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا.

Jama’ah  jum’ah rohimakumulloh,

Mangga sami sesarengan berikhtiyar, mbudi doyo  sarono  nguwataken keimanan kito dateng ngerso dalem Allah, kanti  taat  dateng  perintah  agami  engkang saestu, tansah berusaha  nindakaken sedaya perintah lan nebihi sedaya cegah, nindakaken sedaya dawuh lan nebihi sedaya awisan-awisanipun Alloh ta’ala, supados kita tansah pikantuk rahmat lan kanugrahan,  saking ngarsa dalem Allah Subhanahu wa Ta’ala. Amiin amiin  ya robbal  alamin.

Mangga sesarengan kita ngaturaken  raos syukur wonten  ngarso dalem Allah SWT. Biqaulinal hamdulillahirobbil ’alamin,  Ingkang sampun maringi kenikmatan, kesenengan, rizki, lan pagesangan datèng kulo panjenengan sami, sahingga kanthi rahmatipun Allah kita sedaya tetep wonten ing sak lebeting iman, Islam soho ikhsan.

Mugi rahmat saha salam kaparingaken dumateng panutan kita Nabi Muhammad SAW ingkang sampun kautus dening Allah supados nuntun umat manungsa luwih-luwih dateng kito sami nuju dateng margi ingkang leres.

Mugi-mugi kita sedaya kadaku dados  ummatipun, wiwit gesang teng  donyo dumugi akherot  sak mangke. amiin  ya robbal  alamin.

     

Jama’ah  jum’ah rohimakumulloh,

Mangga kita sami tansah berjuang lan beramal kados dene ingkang sampun kagarisaken dening Allah SWT wonten syari’at agami Islam. Sampun ngantos tumindak kita wonten ingkang nyimpang saking tuntunan agami, supados gesang kita pikantuk rohmat serto pangayomaning Allah SWT, wilujeng, tentrem lan manggihi kabegjan fiddunya wal akhirah. Sampun dipun sebataken wonten ing Al Qur’an :

“Elinga, satemene wong-wong kang dikasihi dening Allah iku ora ana rasa kuwatir tumrape wong-wong mau lan ora sedhih.”( Q.S. Yunus : 62)

Jama’ah  jum’ah rohimakumulloh,

Sinarengan kalian majengipun zaman, ilmu pengetahuan lan teknologi, kebikaipun media informasi kanthi bebas, sahingga tiyang Islam ingkang boten gadhai kekiatan iman, gampil kabujuk kalian tumindak ingkang nerak dhateng aturanipun syar’i. Tumindak ingkar dumateng agami, judi, madon, seneng ngunjuk minuman keras, narkoba, serik dumateng sesami tiyang islam, nglaraaken manahipun sesami muslim, do nggegampang  ninggalake  kwajiban solat, serta nindakaken pakerti ingkang nerak dhateng aturan moralitas Islam. Sedaya tumindak wau  kados2  mpun  biasa  limrah  teng masyarakat kito, tumindak meniko  jelas2  salah, kliru, satemah sanes jiwanipun poro muslim, poro syuhada’, poro muttaqin. Tumindak punika kedah dipun tilar.

Ing dalem sekawan wulan engkang  sampun kepengker, Sak sampunipun kita fitroh atawin suci,  lan sak bibaripun nindakaken siyam wulan syawal, di terasaken shalat  I’dul fitri, soho dipun terasaken kanthi halal-bihalal.

Ing antawis setunggal tiyang kalian sanesiapun sami pasrah kalepatan, mestinipun  kito sami  kedah  anggadai rumaos dados tiyang ingkang  tansah  lepat dumateng awak pribadinipun,  boten wonten tiyang ingkang rumaos bener, ugi mestinipun  rumaos  akeh  dosane  sitik  benere.

Kanthi mekaten menawi sifat punika saget dipun resepaken wonten manah, insya-Allah sendi-sendi kehidupan bermasyarakat badhe dados harmonis. Menawi ing setungal tiyang kalian sanesipun sami mong-tinemong, do rumaos  salah, tur  do nggampilake  aweh pangapuro  dateng  kesalahanipun muslim sanes, yektos badhe mujudaken manunggalipun sedoyo lapisan masyarakat, sahingga negari atawin deso kita badhe tentrem, soho tambah majeng, ing bidang agami, ekonomi, sosial, budaya, olah raga, politik , keamanan lan sanes-sanesipun.

Selaras kalian pangendikanipun rasululloh Muhammad SAW:

 “Sira aja padha nesu-nesunan, meri-merinan, padha mlengos-mlengosan lan medhot paseduluran, dadiya sira kawulane Gusti Allah kang nyedulur. Wong Islam orang kena ngenengake sedulure (padha muslim) punjul seka telung dina”. (HR. Bukhari Muslim).

Semanten ugi wonten pangandikan saking ahli hikmah:

اَلْاِتِّحَادُ اَسَاسُ النَّجَاحِ

“persatuan iku azase kamenangan”.

Jama’ah  jum’ah rohimakumulloh,

Semanten ugi semangat kangge mujudaken silaturahim, sami sowan pisowanan, ngudo raos ingkang sae, raos bingah lan tansah ngaturaken kalepatan dumateng sesami muslim sanes, sami aweh sepuro dateng  kesalahanipun  liyan, leresipun mboten  namung ing wulan syawalke mawon. Yekti amalan puniko  kedah  kito  laksanaaken saben-saben wekdal lan kesempatan, kagem ngraketaken raos pasederean  sesami  tiyang islam.

Jama’ah  jum’ah rohimakumulloh,

Tahun punika soho tahun ngajeng satemah dados tahun politik, sahingga perbedaan pemanggih ing setunggal tiyang kalian tiyang  sanesipun sesami  muslim, kedah dipun budaya aken kanti raos paring penghargaan lan penghormatan dumateng pendapatipun muslim sanes, kedah dipun sadari, perbedaan puniko  sampun  biasa wonten ing kemasyarakatan. Satemah ing dunyo punika boten wonten ingkang sampurno kejawi kasampurnan punika kedah kito  usaha aken  kanti  jalan musyawaroh. Boten wonten tiyang ingkang paling bener lan leres, kajawi kita tansah berusaha supados dados tiyang ingkang bener lan leres mungguh  syareat  agaminipun Alloh,  non injih manut dumateng  aturan-aturan  ing lebetipun  al-qur’an, sunah nabi  soho  itbak/ anut  dumateng poro  alim, poro ulama’, poro kiyai lan poro  ustadz,  mboten  mungguh  sak karepe  awak  pribadi kulo panjenengan  sami.

Kanthi mekaten ing tahun politik punika prayoginipun ing saben-saben tiyang tansah ngugemi aturan agami, lan nindakaken dhawuhipun agami, sumonggo  sami  benten  pendapat soho pilihan, lan berlomba – lomba ngajak tiyang sanes dumateng  pilihanipun,  tapi  kedah tetep dados tiyang muslim engkang tansah menghargai lan menghormati pendapat soho pilihanipun muslim sanes, soho  ampun  kesupen  sing luwih  penting,  non injih  saling berlomba-lomba ngajak  dumateng kemajenganipun  agama islam.

Dawuhipun Alloh SWT.

“ Sira kabeh iku umat kang luwih bagus, kang kalahirake kanggo manungsa (kang supaya) sira kabeh padha perintah marang kang makruf, lan padha nyegah marang kang mungkar, lan iman marang Allah. Saumpamane ahli kitab iku padha iman, mesthine iku luwih apik tumrap dheweke kabeh, ing antarane dheweke kabeh ana kang iman (ning) akeh-akehe dheweke kabeh iku wong-wong kang fasik”. (QS. Ali Imran: 110)

Jama’ah  jum’ah rohimakumulloh,

Saking ayat meniko sampun  jelas, bilih tiyang ingkang bagus atawin sae inggih punika sepindah, tiyang ingkang kuat imanipun , lan kaping kalih tansah  perintah atawin kandan dateng tiyang sanes, supados  nindakaken pendamelan ingkang sae lan nyegah dateng sedoyo pedamelan munkar,  tentunipun  sak  sampunipun  awak pribadinipun  sampun  tumintak  engkang  sae ugi.

Setunggaling  Hadist:

 “Duh rasul, sinten manungsa paling sae niku? Rasul ngendika sak bagus-baguse wong yaiku kang paling bagus wacane(Alqur’an), paling taqwa dhumateng Allah, paling sregep ngajak tumindak kang bagus lan paling rajin nyegah mungkar lan paling rajin nyambung paseduluran”. (HR. Ahmad)

Jama’ah  jum’ah rohimakumulloh,

Hikmah ayat  qur’an  soho  hadist  wau jelas  sampun  gamblang, bilih  kito sedoyo sesami  muslim,  kedah  njagi  persatuan dan kesatuan kanti estu2, menawi  kito  langgar  kanti  sadar,  berarti  kito  sadar  nerjang  aturan  agami islam, berarti kito sadar dados tiyang ingkang  fasiq dateng agami,  naudzubillah min dalik  ampun  kados  mekaten. Kulo  panjenengan sami, ing dalem wulan syawal engkang  sampun kepengker sampun dipun latih supados dados tiyang ingkang sabar, jujur,  ngeker saking hawa nafsu, lan sadar nindakaken dhawuhipun agami, Semanten ugi sampun dipun latih kalian nindakaken ibadah shalat sunnah, tadarus Alquran lan nindakaken syi’ar Islam sahinggo mestinipum kito  umat islam saget  dodos tiyang ingkang sae.

Leresipun njagi kawontenan fitrah diri atawin  resik awak lan ati punika, insyaalloh badhe saget mujudaken jayanipun deso lan negari. Amargi pembangunan deso lan negari punika betahaken pribadi ingkang cerdas, ikhlas, sabar, jujur, disiplin, istiqomah, soho taqadhu’. Semangat mekaten punika sampun dipun latih ing sak lebetipun nindakaken shiyam Ramadhan.

Dawuhipun Alloh SWT.

Satemene Ingsun wus nitahake manungsa kanthi rupo sak apik-apike. Banjur Ingsun balikake dheweke marang panggonan kang luwih endhek-endheke panggonan endhek (neraka). Kejaba wong-wong kang padha iman lan padha ngamal shalih, mula tumrap dheweke kabeh ganjaran kang ora ana pedhote” (QS. Attin: 4-6)

Mugi-mugi sedaya amal ibadah ingkang sampun kulo panjenengan tindakaken, dipun tampi dening ngerso dalem Allah. Lan sedaya amal ibadah ingkang dereng saget dipun tindakaken, mugi-mugi Allah tansah maringi dalan atawin patedah dhateng kita sami, dumateng margi ingkang leres inggih punika marginipun tiyang-tiyang ingkang dipun paringi kamulyan lan, sanes marginipun tiyang-tiyang ingkang dipun bendoni, amin..amin  ya  robbal alamin.

 أقول قولي هذا واستغفر الله العظيم لي ولكم ولسائر المسلمين والمسلمات والمؤمنين والمؤمنات فاستغفروه إنه هو الغفور الرحيم.

KHUTBAH II

اَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ, وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ.

اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا, اَمَّا بَعْدُ ;

فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ

وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.

اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ

اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ.

اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.

رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.

رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ

وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ

Wassalamu’alaikum wrwb

Silahkan baca juga >>>>: